Mirzə Kazım bəy

Azərbaycan əsilli rus şərqşünası, tarixçi, türkoloq və filoloqu. Mladorossi hərəkatının banisi Aleksandr Kazımbəyin babası. Rusiya Elmlər Akademiyasının ilk azərbaycanlı üzvü olub. Rus şərqşünaslığının banisi hesab edilir. "Qurani-Kərimdə ahənglik" (1859), "Müridizm və Şamil" (1859), "İslam tarixi" (1860), "Türk-tatar dillərinin qrammatikası" adlı fundamental elmi monoqrafiyaları Avropa universitetlərində də dərslik kimi keçirilirdi. Bir çox xarici ölkə (Fransa, İngiltərə, Almaniya, ABŞ və s.) akademiyalarının fəxri üzvü olmuşdur.