Ovçuluq turizmi

Zəngin mədəni-tarixi irsə və əlverişli təbii şəraitə malik olan Azərbaycan turizm sahəsində böyük inkişaf perspektivlərinə malikdir. Ölkəmizdə turizmin əksər növlərinin - müalicə-sağlamlıq, ekoloji, mədəni, sosial, kommersiya, idman, xüsusi maraq kəsb edən və s. inkişafı üçün geniş imkanlar mövcuddur. Son illər inkişaf edən turizm növlərindən biri də ovçuluq turizmidir.

Azərbaycanda ovçuluq

Azərbaycanda ovçuluq turizmi 1963-cü ildən fəaliyyət göstərir. Son illərdən başlayaraq bu sahəyə maraq daha da çoxalmışdır. Hal-hazırda ölkədə müxtəlif ovçuluq növləri mövcuddur. Bunlardan quş və dağ keçisi ovu daha çox inkişaf edib.

Azərbaycan ərazisində mövcud olan ovçuluq növləri aşağıdakılardır:

- Dağıstan turunun ovlanması;

- Çol donuzunun ovlanması;

- Dovşanın ovlanması;

- Meşə göyərçininin ovlanması;

- Bildirçinin ovlanması;

- Kəkliyin ovlanması;

- Su quşlarının (qaz, ördək, qaşqaldaq) ovlanması;

- Cüllütün ovlanması;

- Meşəcüllütünün ovlanması;

- Köpgər ovlanması.

Azərbaycanda heyvanların sayının tənzimləməsi məqsədilə ovlanma müvafiq ov sahələri və ovçuluq təsərrüfatları üzrə məhdudlaşdırılır. Azərbaycanda fəaliyyət göstərən Ovçuluq təsərrüfatları (OT) aşağıdakılardır:

S / N	ADI	YERLƏŞDİYİ ƏRAZİ	SAHƏSİ, HA	MƏQSƏDİ
1	Ulduz OT	Şamaxı rayonu	5000	Dağıstan turu, cüyür, çol donuzu, qırqovul və s. vəhşi heyvanların ovlanması.
2	Şəki OT	Şəki və Oğuz rayonları	60000	Dağıstan turu, nəcib Qafqaz maralı, cüyür, köpgər, çöl donuzu və s. vəhşi heyvanların ovlanması.
3	Qax OT	Qax rayonu	2700	Dağıstan turu, nəcib Qafqaz maralı, cüyür, köpgər, çöl donuzu və s. vəhşi heyvanların ovlanması.
4	Samux OT	Samux rayonu	40424	Çol donuzu, kəklik ov heyvanlarının ovlanması.
5	Pirallahı OT	Əzizbəyov rayonu	10000	Su və su bataqlıq quşların ovlanması.
6	Yaşma OT	Xızı rayonu	4000	Tülkü, çaqqal və su quşların heyvanlarının ovlanması.
7	Giləzi OT	Xızi rayonu	25	Donuzun ovlanması.
8	Babadağ OT	Quba və İsmayıllı Rayonları	61000	Dağıstan turu, cüyur, köpgər, çöl donuzu və s. vəhşi heyvanların ovlanması.
9	Sarısu OT	İmişli və Sabirabad rayonları	120	Göl balığı, su və su bataqlıq quşlarının ovlanması.
10	Varvara OT	Yevlax rayonu	7762	Göl balığı, su və su bataqlıq quşlarının ovlanması.
11	Şərbət-qobu OT	İmişli rayonu	20000	Su və su bataqlıq quşlarının ovlanması.
12	Daşgil OT	Qaradağ rayonu	3	Ovçuların və digər vətəndaşların istirahətinin və ovçuluq fəaliyyətinin təşkili.
13	Pirsaat OT	Qaradağ rayonu	3000	Su və su bataqlıq quşların ovlanması.
14	Mahmudçala OT	Biləsuvar rayonu	7135,6	Ovçuların və digər vətəndaşların istirahətinin və ovçuluq fəaliyyətinin təşkili.
15	Zavvar OT	Cəlilabad rayonu	6995	Çaqqal, tülkü, donuz, su və su bataqlıq quşlarının ovlanması.
16	Qirmizıkənd OT	Neftçala rayonu	10000	Su və su bataqlıq quşlarının ovlanması.

Azərbaycanda heyvanların ovlanmasına icazə verilməsi xüsusi qrafiklə tənzimlənir. Ovlanma dövrü belədir:

Dağıstan turu	iyun – noyabr
Su quşları	oktyabr – mart
Qafqaz maralı	iyun – oktyabr
Canavar , tülkü , dovşan	avqust – mart
Çol donuzu	sentyabr – mart
Meşə ov quşları	oktyabr – mart
Qara turac	iyul – mart
Vaşaq	sentyabr – mart

Oxunub: 435609