Xor musiqisi

  

Xor yunan sözündən götürülüb, “choros” yəni, müğənnilər kollektivi. Xor tərkibinə görə həmcins (qadın, kişi, yaxud uşaq) və qarışıq, ifaçılarının sayına görə isə böyük və kiçik olur. Qarışıq xor 2 qrupdan ibarətdir;
- soprano, alto (qadın səsləri)
- tenor və bas (kişi səsləri).
Xor kollektivində hər qrup öz-özlüyündə bir neçə partiyaya ayrıla bilər. Qarışıq xorda ən azı 12 (hər qrupda 3 nəfər), ən çoxu 100-120 müğənni olur. Eyni zamanda xorun akapella və instrumental müşayiətli növləri vardır. Xor üçün nəzərdə tutulan musiqi əsərləri aşağıdakılardır: müstəqil əsər, yaxud opera, messa oratoriya və ya kantatanın bir hissəsi.
Azərbaycan xor musiqisinin inkişafında əhəmiyyətli rol oynamış Cahangir Cahangirov (1921-1992) “Arazın o tayında” vokal-simfonik poemasının, “Füzuli” və “Nəsimi” kantatalarının, “Sabir” və “Hüseyn Cavid-59” oratoriyalarının müəllifidir. O, həmçinin “Azad” və “Xanəndənin taleyi” operaları, dram tamaşaları, kinofilmlərə musiqi, müxtəlif instrumental əsərlər bəstələmişdir.