Həkim Məhəmməd Əmin

Gilanın Lahican məntəqəsində doğulmuşdur. Təhsil almaq üçün Təbrizə yollanmış və burada tibb elmini məşhur  Həkim  Cəbrayil və Həkim Məhəmməd Bəqərdən öyrənmişdir. Müəyyən müddət Təbrizdə həkimlik etmişdir. Onun təsis etdiyi müalicəxana o qədər çox xəstə cəlb edirdi ki, başqa müalicəxanalar, demək olar ki, boş qalmışdır.  O dövrdə Təbriz Osmanlıların işğalı altında idi. Təbrizin Osmanlı valisi də Həkim Əminin təcrübə və biliklərinə valeh qalmışdı və tez-tez ona müraciət edirdi.